الحبوب و الرؤوس السودا و بشرتنا الدهنية اللى في طبعنا كمصرين و جيناتنا .. حاجة متعبة جدا خصوصا فى صيف.  الرؤوس السودا بتيجي إزاي و ليه لونها اسود و إزاي أتخلص منها خلينا

نكلم عن الجلد كأكبر عضو فى الجسم و اول خط دفاع للجسم . الجلد فىه مسام بيطلع منها الشعر و هى المسؤولة عن افرازات العرق و الدهون اللى هما بيأثروا برضو على حرارة جسم الأنسان و بيحافظوا على الجلد.

اول حاجة لازم نتفق عليها ان الرؤوس السودا مش حاجة من الجو قفلت المسام فعملت رؤوس سودا و ان مستحضرات تنضيف البشرة مش هى الأساس فى علاج الرؤوس السودا.

الرؤوس السودا هى خلايا ميتة سدت مسام الجلد و الأوكسجين اللى فى الجو تفاعل معها مع الوقت و خلها سودا و لما المسام أتسدت الأفرازات اتخزنت تحت الجلد فبعد وقت بتحس .. اه ده !! انا عندي رؤوس سودا.

يبقى لما نيجي نكلم عن اسباب اللى جاية حتحس قد اه هى منطقية ... علشان بقي عندنا معادلة واضحة .. (خلايا الجلد ميتة + إفرازات كتير + اوكسجين الجو = رؤوس سوداء)

اسباب بتؤدي لزيادة الرؤوس السودا

1- الضغط العصبي و التوتر
2- فترة المراهقة و تغير مستوي الهرمونات
3- جينات (سواء الناس اللى بتنتج خلايا جلد بكترة او بتفرز افرازات كتير من مسام سواء عرق او دهون)
4- مع بعض السيدات حبوب منع الحمل بتعمل رؤوس سودا
5- متلازمة ما قبل الدورة الشهرية
6- ادوية اللى ممكن تسبب تقشر الجلد و انتاج جلد ميت (اعمل شير و حنعمل الموضوع الجاى عن الأدوية ديه)
7- الحلاقة بتوسع المسام و بتشيل جلد فممكن تسبب رؤوس سوداء
9- الملابس الضيقة اللى بتؤدي للتعرق الشديد
10- استخدام الميك اب بكثرة و فترات طويلة
11- استخدام ادوية تحتوي علي الكرتيزون

نواجه الرؤوس السودا ازاي


1- تنظيف البشرة: استخدمي مستحضرات تنظيف اللى بتقشر البشرة بلطف و مناسبة للبشرة الحساسة و مفهاش كحول او روائح ابعدي عن اي حاجة تنشف الجلد زيادة علشان ممكن يخلى موضوع اسوء انه يحفز المسام تفرز دهون اكتر كرد فعل. جلد محتاج يكون نضيف و قليل فى الدهون بس مش ناشف خالص ... من مستحضرات الحلوة
2- استخدمي ميك اب ميسدش المسام  الحاجات ديه بيكون مكتوب عليها "porless او  non-comedogenic "زي مثلا Maybelline Fit Me
3- المستحضرات الدوائية المستخدمة اللى بتحتوي على سلسيليك اسيد و بتشتغل مضاد لألتهابات و ديه بتكون مرحلة


اخيرة الممنوع فى الرؤوس السود


1- ممنوع تشليها ابدا و لا تحفري فيها و لا تشيلها بالأبرة علشان حتسيب اثر
2- ممنوع تستخدم البخار: كان متعارفان البخار بيفتح المسام فبيسهل ازالة الرؤوس السودا بس ده بالأبحاث اثبت انه بيخلى الموضوع اسواء لأنه بيفتح المسام فبيزود الرؤوس السودا
3- ممنوع تعملي سكراب علشان ده بيزيل دهون الجلد فبيحفز الجلد انه يفرز دهون اكتر فيسوء الموضوع كمان

اخيرا لو الرؤوس السودا شديدة لازم زيارة دكتور فى اقرب وقت


ملخص الحل

1- مستحضر تنظيف بشرة لطيف و مفهاش كحول
2- تونر لإزالة الميك اب
3- استخدمي ميك اب ميسدش المسام
4- مستحضر فيه سلسيلك اسيد للأستخدام على جلد علشان يهدي حساسية الرؤوس السودا

مستحضرات نرشحها للرؤوس السودا

إيفاكلار لوشن

تونر منظف للوجه

يعمل على تصغير حجم المسام و يمنع إنسدادها.بعد أول إستخدام بفضل مكوناته الفعٌالة التي تعمل على تنظيم الإفراز الدهني للوجه و تقشيره بلطف